ҚАРЗДОР ОТАЛАРГА НИСБАТАН ЖАЗО МУҚАРРАРЛИГИ ТАЪМИНЛАНДИ

очерк

Жиноят ишлари бўйича Термиз шаҳар судининг очиқ суд мажлисида вояга етмаган фарзандлари учун алиментни тўлашдан бўйин товлаган Ахмедов Руслан Содикович ҳамда Собиров Нодир Қосимович (исм-шарифлар ўзгартирилган)ларга нисбатан жавобгарлик масаласи кўриб чиқилди.

Жумладан, Руслан Ахмедов фуқаролик ишлари бўйича Термиз туманлараро судининг 2022 йил 19 августдаги суд буйруғига асосан ундирувчи Шохсанам Амиркулованинг фойдасига вояга етмаган 2 нафар фарзандлари учун барча иш ҳақи ва бошқа барча ишлаб топган даромадларининг 1/3 қисми миқдорида алимент тўлаши лозим бўлса-да, 2024 йил 1 июлдан 2025 йил 1 сентябргача бўлган давр учун жами бўлиб, 27.181.713 сўм алимент қарзларини тўламасдан, моддий ёрдамга муҳтож бўлган вояга етмаган фарзандларига икки ойдан ортиқ муддат мобайнида моддий таъминлашдан бўйин товлаб келган.

Ёки бўлмаса, Нодир Собиров фуқаролик ишлари бўйича Термиз туманлараро судининг 2023 йил 17 июлдаги суд буйруғига асосан ундирувчи Фарида Турдиеванинг фойдасига вояга етмаган бир нафар фарзандининг таъминоти учун барча иш ҳақи ва бошқа барча ишлаб топган даромадларининг 1/4 қисми миқдорида алимент тўлаши лозим бўлса-да, 2023 йил 24 майдан 2025  йил 1 сентябргача бўлган давр учун жами бўлиб, 25.947.988 сўм алимент қарзларини тўламасдан, моддий ёрдамга муҳтож бўлган вояга етмаган фарзандига икки ойдан ортиқ муддат мобайнида моддий таъминлашдан бўйин товлаб келган.

Шу сабабли Мажбурий ижро бюронинг Термиз шаҳар бўлими ходимлари томонидан тўпланган маъмурий иш материаллари Маъмурий жавобгарлик тўғрисидаги кодекснинг 474-моддасига кўра, жиноят ишлари бўйича Термиз шаҳар судида кўриб чиқилди.

Давлат ижрочиси томонидан қарздорлар Ахмедов Руслан Содикович ҳамда Собиров Нодир Қосимовичга алимент  қарздорлигини тўлаш ҳақида ҳуқуқий тушунтиришлар берилиб, бир неча бор ёзма равишда огоҳлантиришлар берилганлигига қарамасдан, улар томонидан алимент  пулларини тўлашни пайсалга солиб, алимент қарзларини тўламасдан бош тортиб юришгани уни суд залигача олиб келди.

Суд мажлисида фарзандлари олдидаги масъулиятини эсидан чиқариб, оталик бурчини унутган ҳуқуқбузарлар Ахмедов Руслан Содикович ҳамда Собиров Нодир Қосимович суднинг қарори билан Ўзбекистон Республикаси Маъмурий жавобгарлик тўғрисидаги кодекснинг 474-моддасида кўрсатилган ҳуқуқбузарликни содир этган деб топилиб, уларнинг ҳар бирига 15 (ўн беш) сутка маъмурий қамоқ жазоси тайинланди.

Конституциямизнинг 77-моддасида, ота-оналар ва уларнинг ўрнини босувчи шахслар ўз фарзандларини вояга етгунига қадар боқиши, уларниннг тарбияси, таълим олиши, соғлом, тўлақонли ва ҳар томонлама камол топиши ҳусусида ғамхўрлик қилишга мажбур эканлиги қайд қилинган.

Шунингдек, Оила кодексининг 96-моддасига кўра, ота-она вояга етмаган болаларига таъминот бериши шартлиги белгиланган.

Шундай экан ҳар бир ота-она болалар давлатимизнинг эртанги келажаги эканлигини чуқур ҳис этган ҳолда оилада соғлом муҳит яратишга масъул эканлигини унутмаслиги керак.

ИКРОМЖОН ШАЙМАНОВ,

Жиноят ишлари бўйича Термиз шаҳар суди тергов судьяси

ТУРСУНБОЙ ХОДЖИЕВ,

Жиноят ишлари бўйича Термиз шаҳар суди судья ёрдамчиси

Cуд ишларида “Рақамли суд” концепцияси

Судлар фаолиятига сунъий интеллект технологияларини жорий этиш учун қулай шарт-шароитлар яратиш, рақамлаштириш ишларини изчил давом эттириш, судларнинг моддий – техник таъминотини яхшилаш, шунингдек, “Рақамли Ўзбекистон – 2030” стратегиясида белгиланган мақсад ва вазифалар ижросини таъминлаш мақсадида Президентимиз томонидан имзоланган ПФ-140-сонли Фармон суд соҳасидаги ислоҳотларни давоми сифатида ҳам фуқаролар учун, ҳам суд ходимлари учун жуда аҳамият касб этади.

Жумладан, мазкур Фармон билан, судлар фаолиятига сунъий интеллект технологияларини жорий этилади, суд ишларини рақамлаштириш жараёнлари жадаллаштирилади, шунингдек, судларда фуқаролар ва тадбиркорлик субъектлари учун қулай шарт-шароитлар яратилади.

Бундай қулайликлар яратиш учун қуйидагилар кўзда тутилмоқда, биринчидан, суд ишларини юритишда қоғоз шаклидан воз кечиш мақсадида “Рақамли суд” концепцияси асосида ишларнинг юритилиши босқичма-босқич тўлиқ электрон шаклга ўтказилади;

Иккинчидан, фуқаролар ва тадбиркорлик субъектларига кўрсатиладиган интерактив электрон хизматлар турларини ошириб бориш, суд ҳужжатларидан нусха олиш, суд ишлари билан танишиш, аризанинг судга тааллуқлилиги ва судловга тегишлилигини аниқлаш, сунъий интеллект ёрдамида суд харажатларини ҳисоблаш имкониятини яратиш, шунингдек, суд томонидан тақиқланган манба ва контентларнинг электрон реестрини юритиш йўлга қўйилади;

Учинчидан, судлар фаолиятига сунъий интеллект технологияларини жорий этиш учун зарур техник инфратузилма яратиш, шунингдек, ушбу йўналишдаги норматив-ҳуқуқий базани такомиллаштириш бўйича чоралар кўрилади ва амалиётга тадбиқ этилади;

Тўртинчидан, Олий суднинг ахборот тизимлари негизида суд ҳужжатлари архиви модули ишлаб чиқилади ва амалиётга жорий этилади;

Бешинчидан, судлар фаолиятини рақамлаштириш бўйича “Кибер ҳуқуқ” йўналишида илмий тадқиқотлар ўтказиш, шунингдек, судьялар ва суд аппарати ходимларининг рақамли саводхонлиги ва малакасини доимий ошириб бориш йўлга қўйилади;

Олтинчидан, иқтисодий судлар тузилмасини оптималлаштириш орқали уларнинг фаолияти самарадорлигини ошириш ва ягона суд амалиётини шакллантириш йўлга қўўйилади;

Еттинчидан, “Рақамли суд” концепцияси асосида босқичма-босқич суд мажлиси залларини ташкил этиш ҳамда аҳоли ва судьялар учун қулай ва замонавий шарт-шароитлар яратиш, шунингдек, судьялар ва суд ходимларининг ижтимоий ҳимоясини кучайтириш чоралари кўрилади.

Бунинг натижасида, фуқаролар ва тадбиркорлик субъектларига қулайликлар яратилиб, суд ишларини кўриш соддалаштирилади ва “Рақамли суд” концепциясини амалга ошириш доирасида:

-судга ариза беришдан олдин сунъий интеллект ёрдамида суд муҳокамасининг тахминий натижаси ҳамда сарфланадиган харажатлар шакллантириш имконияти пайдо бўлади;

-мурожаатлар судга электрон шаклда юборилади;

-ишда иштирок этувчи шахслар суд биносига ташриф буюрмайди ва суд муҳокамаларида масофадан туриб иштирок этади;

-тарафлар ва ишда иштирок этувчи бошқа шахсларга суд жараёнларида ишга доир барча материаллар билан электрон шаклда танишиш имконияти яратилади;

-суд харажатлари электрон шаклда ҳисобланади ва тўланади, шунингдек, ижро варақалари автоматик равишда ижрога юборилади;

-суд ишлари замонавий ахборот технологияларидан фойдаланган ҳолда тўлиқ электрон тарзда юритилади;

-сунъий интеллект ёрдамида суд мажлиси баённомалари реал вақт режимида матн шаклида тайёрланади;

-суд ҳужжатлари лойиҳалари автоматик шакллантирилади.

Шу каби, 2025 йил якунига қадар, тажриба тариқасида Тошкент шаҳрида “Рақамли суд” концепцияси асосида иқтисодий, фуқаролик ва маъмурий низоларни кўришга мўлжалланган суд мажлиси заллари ташкил этилади.

Тажриба натижалари асосида “Рақамли суд” концепциясини 2026-2027 йилларда босқичма-босқич республиканинг барча судларида татбиқ этилади.

Ушбу фармон ижросини таъминлаш доирасида:

Қуйидагиларни назарда тутувчи 2025 – 2027 йилларга мўлжалланган суд соҳасини рақамлаштириш ва одил судлов жараёнларига замонавий ахборот технологияларини жорий этиш дастури амалга оширилади. Жумладан:

-2025 йил 1 декабрдан бошлаб фуқаролар, адвокатлар, юристлар, судьялар учун норматив-ҳуқуқий ҳужжатларни таҳлил қилиш платформаси ишга туширилади;

– 2025 йил якунига қадар суд ҳужжатларини автоматик тайёрлаш махсус ахборот дастури яратилади;

– 2026 йил 1 январдан бошлаб “my.sud.uz” интерактив хизматлар порталида фуқароларга ҳуқуқий ёрдам кўрсатиш модулини жорий этиш, бунда сунъий интеллект асосида ишлайдиган виртуал маслаҳатчини яратилади ва ҳуқуқий мурожаатларга жавоб бериш ҳамда суд маълумотларини автоматик етказиш йўлга қўйилади;

– 2026 йил 1 мартдан бошлаб фуқаролик, маъмурий, иқтисодий ва маъмурий ҳуқуқбузарлик тўғрисидаги ишлар бўйича дастлабки суд маълумотларини фуқароларга Ягона интерактив давлат хизматлари портали орқали олиш имконияти яратилади;

– 2026 йил якунига қадар фуқароларга одил судловга эришишда қулай имкониятлар яратиш мақсадида 5 та янги интерактив хизматларни йўлга қўйилади, шунингдек, суднинг ахборот тизимидаги “Шахсий кабинет” платформасининг фойдаланувчилар учун янада қулай бўлган янги версияси ишлаб чиқилади.

Юқоридаги кутилаётган янгиликлардан кўринадики, яқин келажакда судлов фаолияти билан кўплаб ижобий ўзгаришлар амалга оширилади. Бунинг натижасида, фуқароларнинг, тадбиркорларларнинг биринчи навбатда вақти тежалади ортиқча ва натижасиз харажатларнинг олди олинади, шунингдек судларда фақат низоли ишларнинг кўрилиши натижасида иш ҳажми кескин камаяди.

Бир сўз билан айтганда, мазкур Фармон суд соҳасида узоқ вақтлардан буён ўз ечимини топмасдан ётган кўплаб муаммоларни бартараф қилишга хизмат қилади.

ДИЛМУРОД БЎРИЕВ,

Фуқаролик ишлари бўйича Қумқўрғон туманлараро суди судьяси

ЖИНОЯТ ҲУҚУҚИДА МАЪМУРИЙ ПРЕЮДИЦИЯНИНГ АҲАМИЯТИ ВА ҚЎЛЛАНИЛИШИ

Маълумки, Ўзбекистон  Республикасининг   жиноят  кодексининг айрим моддаларида назарда тутилган қилмишни содир этганлик учун жавобгарлик шахсга нисбатан маъмурий жазо қўлланилганидан кейин содир этилган бўлсагина келиб чиқади.        

Масалан, Ўзбекистон Республикаси жиноят  кодексининг 122-моддаси (вояга  етмаган  ёки  меҳнатга  лаёқатсиз  шахсларни  моддий  таъминлашдан  бўйин товлаш), 123-моддаси (ота-онани моддий таъминлашдан бўйин товлаш), 1251-модда (никоҳ ёши тўғрисидаги қонунчиликни бузиш),
1261-модда (оилавий (маиший) зўравонлик), 127-моддаси 1-қисми (вояга етмаган шахсни ғайриижтимоий хатти-ҳаракатларга жалб қилиш), 139-моддаси 1-қисми (туҳмат), 140-моддаси 1-қисми (ҳақорат қилиш), 177-моддаси 1-қисми (валюта қимматликларини қонунга хилоф равишда олиш ёки ўтказиш), 2611-моддаси (транспорт воситасини мастлик ҳолатида бошқариш ёки текширувдан ўтишдан бўйин товлаш), ва 2612-моддаси (транспорт воситаларини бошқариш ҳуқуқидан маҳрум этилган шахснинг транспорт воситасини бошқариши)ларда шахсни мазкур модда билан жавобгарликка тортишнинг зарурий шарти сифатида унга нисбатан шундай ҳаракатлар учун муқаддам маъмурий жазо қўлланилган бўлиши лозимлиги кўрсатилган. 

Демак, айрим ҳолларда қилмишни квалификация  қилишда  маъмурий  преюдицияни  қўллаш  зарурати  мавжудлиги сабабли биз авваламбор маъмурий преюдиция нима деган саволга жавоб беришимиз лозим бўлади.

Маъмурий преюдиция деганда, қилмишни жиноят деб топиш учун уни содир этган шахсга илгари ҳам шундай қилмиши учун маъмурий жазо қўлланилган бўлиши ва мазкур шарт жиноят  кодексининг тегишли моддасида белгилаб қўйилиши тушунилади.

Қайд этиш лозимки, Ўзбекистон Республикаси Маъмурий  жавобгарлик  тўғрисидаги  кодексининг 37-моддасига  кўра, маъмурий жазога тортилган шахс шу жазони ўташ муддати тугаган кундан бошлаб бир йил мобайнида  янги  маъмурий  ҳуқуқбузарлик  содир  этмаган  бўлса,  мазкур  шахс маъмурий  жазога  тортилмаган  ҳисобланади. Демак, маъмурий жавобгарлик тўғрисидаги қонунчиликка мувофиқ башарти маъмурий жазога тортилган шахс шу жазони ўташ муддати тугаган кундан бошлаб бир йил  мобайнида  янги  маъмурий  ҳуқуқбузарлик  содир  этмаган  бўлса,  мазкур  шахс маъмурий  жазога  тортилмаган  деб  ҳисобланади ва ўз навбатида ушбу шахс жиноят  кодексининг маъмурий преюдицияга эга бўлган моддаси билан жавобгарликка тортилмайди.   

Ўзбекистон Республикаси Маъмурий  жавобгарлик  тўғрисидаги  кодексининг 37-моддаси мазмунига кўра, шахсга  нисбатан  маъмурий  жазо чораси қўлланилиши тўғрисида қарор қабул қилинган пайтдан бошлаб, у маъмурий жазога тортилган деб эътироф этилади ҳамда жазо  чорасини  ўтай  бошлаган кундан бошлаб бир йил давомида у жазоланган ҳолатда бўлади. Бу муддат маъмурий жазо  чорасини  ўташ  муддатининг  тугаши  ҳисобланади.  Шахс  янги  маъмурий ҳуқуқбузарликни содир этган тақдирда кучини йўқотиш муддати янги ҳуқуқбузарлик учун жазо чорасини ўташ муддати тугаган кундан бошланади. Маъмурий жазони ўтаб бўлишнинг бир йиллик муддати, уларнинг турларидан қатъи назар, барча маъмурий жазо чоралари учун белгиланган. Маъмурий жазони ўтаб бўлиш учун бир йиллик муддатнинг бошланиш нуқтаси тайинланган жазо чорасини ўташ тамом бўлган кун ҳисобланади. Башарти айбдор шахс асосий ва қўшимча жазо чораларига тортилган бўлса,  у  ҳолда  бир  йиллик  муддат  вақт  жиҳатидан  охирги  ўтилган  жазони  ўташ муддати тамом бўлган кундан эътиборан ҳисобланади. Маъмурий қамоққа олиш ёки махсус ҳуқуқдан маҳрум этиш қўлланилганда, жазо чорасини ўтаб бўлишнинг тугаш муддати ҳақиқатда маъмурий қамоқ муддатининг тугаши ёки фуқаро махсус ҳуқуқдан маҳрум  этилган  муддатнинг  ўтиб  бўлиши  билан  мос  келади. 

Қайд этиш  керакки,  жиноят  ҳуқуқи  назариясига  кўра  шахсни жиноий жавобгарликка тортишда қилмишнинг маъмурий жазо қўлланилганидан кейин содир этилган бўлиши мазкур жиноят таркиби объектив томонининг зарурий белгиси  саналади.

Ушбу ўринда таъкидлаб ўтиш лозимки, агар маъмурий ҳуқуқбузарлик содир этган шахс суд томонидан Ўзбекистон Республикаси Маъмурий  жавобгарлик  тўғрисидаги  кодексининг 21-моддасига асосан жавобгарликдан озод этилиб, огоҳлантириш билан кифояланган ёхуд шу кодекснинг 212-моддасига асосан ярашилганлиги муносабати билан жавобгарликдан озод этилган бўлса у маъмурий жазога тортилмаган ҳисобланади.

Айрим  олимлар  жиноят  қонуни  баъзи  нормаларида маъмурий преюдицияни акс эттириш инсонпарварлик ва одиллик принципларига тўла жавоб бермаслигини, маъмурий ҳуқуқбузарликни бир йил ичида такроран содир этиш жиноятнинг  сифат  кўрсаткичини  ҳам  ижтимоий  хавфлилик  даражасини  ҳам оширмаслигини, шахс содир этган қилмиши учун жавобгарликка тортилгандан сўнг жавобгарликнинг оқибатлари ҳам тугатилиши лозимлигини ҳамда  маъмурий преюдицияни жиноят қонунчилигидан чиқаришни ёқласа, айрим олимлар жиноят  ва  жиноят-протсессуал  қонунчиликни  такомиллаштиришнинг  бугунги шароитида ижтимоий  хавфлилик  даражасига  кўра  маъмурий ҳуқуқбузарлик  ва  жиноят  ўртасида  турадиган  ножўя  жиноий  хатти-ҳаракат  учун  жиноят  қонунчилиги  доирасида  жавобгарлик белгиланишини таклиф этмоқда.

Хулоса қилиб айтганда, маъмурий преюдиция – жиноят ҳуқуқи назариясида қилмиш учун жавобгарлик белгилашда муҳим ҳуқуқий механизм ҳисобланади. Ушбу институтни қўллаш, аввало, инсон ҳуқуқларини ҳимоя қилиш, ҳуқуқбузарликнинг такрорланишини олдини олиш ҳамда шахсга нисбатан адолатли ва индивидуал ёндашув асосида жазо тайинлашда катта аҳамият касб этади.

НИГОРА ХАСАНОВА,

Жиноят ишлари бўйича Термиз шаҳар суди судья ёрдамчиси

РОСТГЎЙЛИК ИНСОН ЗИЙНАТИ

очерк

Маълумки, жамиятда қонунийлик ва қонун устуворлигини таъминлаш, тинчлик ва осойишталикни ҳимоя қилиш ҳамда турли хил ғайриҳуқуқий қилмишларга қарши курашишда ҳуқуқни муҳофаза қилувчи идоралар ғоятда муҳим ўрин тутади.

Шунингдек, бу борада фуқаролар зиммасига ҳам масъулиятли вазифалар юклатилган. Жумладан, ҳаётда учрайдиган турли хил ноқонуний қилмишлар тўғрисида ҳуқуқни муҳофаза қилувчи идораларга ўз вақтида хабар бериш ҳар биримизнинг инсоний бурчимиздир.

Аммо ҳаётда баъзан ёлғон хабар бериш орқали ҳуқуқни муҳофаза қилувчи идора ходимларини ортиқча оворагарчиликка, ўринсиз хавотирга солиб қўядиган кимсалар ҳам учраб туради.

Термизлик Саломат Усмонова (исм-фамилия ўзгартирилган) 2025 йил 20 май куни Ўзбекистон Республикаси Ички ишлар вазилиргининг “102” ишонч рақамига мурожаат қилиб, мурожаатида Ангор тумани жойлашган савдо марказларидан бирида “Бомба” ёзилган қути турибди деб ёлғон хабар берган.

Хабар келиб тушгандан кейин, воқеа жойига нафақат тергов-қидирув гуруҳи, балки портловчи қурилмани қидирувчи бўлинма ҳам етиб борган.

Яхшиҳамки, хабар тасдиқланмаган.

Ушбу ҳолат юзасидан Саломат Усмоновага нисбатан Маъмурий жавобгарлик тўғрисидаги кодекснинг 199-моддасида кўрсатилган ҳуқуқбузарлик юзасидан баённома расмийлаштирилиб, тўпланган ҳужжатлар жиноят ишлари бўйича Ангор туман судига тақдим этилади.

Суд ҳуқуқбузар С.Усмоновага нисбатан қонуний жазо тайинлаб, жазо муқаррарлиги таъминлади.

Хулоса қилиб айтганда, ҳуқуқни муҳофаза қилувчи идораларга ёлғон хабар бериб, уларнинг изчил фаолиятига халақит қилиш, ортиқча оворагарчилик ва хавотирга қўйиш жавобгарликка сабаб бўлади. Шундай экан, ҳар биримиз бундай ножоиз қилмишларга йўл қўймаслигимиз, аксинча, зарур ҳолларда ҳуқуқ-тартибот идораларига яқиндан ёрдам бериш орқали тинчлик ва осойишталикни таъминлашга ҳисса қўшиш инсоний бурчимиз эканини доимо ёдда тутайлик.

ХАДИЧА РАХИМОВА,

Жиноят ишлари бўйича Ангор туман суди тергов судьяси

ОБРАЗОВАН АКАДЕМИЯ ПРАВОСУДИЯ РЕСПУБЛИКИ УЗБЕКИСТАН

В стране продолжается реализация широкомасштабных реформ направленных на обеспечение защиты прав и свобод человека, верховенства закона в рамках Стратегии «Узбекистан — 2030». Судебная власть занимает в нем важную роль. Для осуществления правосудия нужны высококвалифицированные кадры судебной системы, обладающие современными знаниями и необходимыми профессиональными навыками.

В этой цели 21 августа 2025 года принят Указ Президента Республики Узбекистан «О мерах по коренному совершенствованию системы подготовки высококвалифицированных кадров в сфере правосудия» за №УП-141, на основании которого образован Академия правосудия Республики Узбекистан на базе Высшей школы судей при Высшем судейском совете.

Академия является специализированным государственным образовательным и научно-исследовательским учреждением, осуществляющим деятельность при Высшем судейском совете, в котором образовательный процесс организовывается на основе традиции «устоз – шогирд» в соответствии с принципом «будущего судью обучает судья».

Данным Указом установлен порядок, в соответствии с которым с
1 октября 2025 года:

– подготовка кандидатов на должности судей организуется на шестимесячных курсах профессиональной переподготовки Академии на основе государственного гранта по судейским специализациям;

– лица, принятые на курсы профессиональной переподготовки, освобождаются от занимаемой должности по основному месту работы, которая сохраняется за ними в течение всего периода обучения;

– слушателям курсов профессиональной переподготовки ежемесячно выплачивается стипендия в размере месячного фонда оплаты труда помощника судьи.

Курсы профессиональной переподготовки организуются в форме дуального образования на основе принципа «теория — практика-имитация» с обеспечением тесной связи навыков применения законодательства с практикой и в целях формирования у слушателей практических навыков практические занятия проводятся с использованием деонтологического метода. При этом обеспечивается непосредственное участие слушателей в деятельности соответствующих правоохранительных органов, адвокатуры, судебно-экспертных, прочих государственных органов и учреждений.

Приоритетными целями внедрения новой системы подготовки квалифицированных кадров в судебно-правовой сфере является:

– создание системы подготовки всесторонне развитых, обладающих современными знаниями и необходимыми профессиональными навыками высококвалифицированных кадров для судебной системы;

– применение в образовательном процессе интерактивных методов обучения, направленных на развитие у будущих судей профессиональных навыков самостоятельного, объективного, беспристрастного и справедливого ведения производства, опираясь только на закон;

– внедрение действенных механизмов формирования высоких духовных и нравственных качеств у слушателей и студентов, противодействия коррупции, обеспечения открытости и прозрачности в образовательном процессе;

– формирование у кандидатов на должности судей, судей и работников аппарата судов навыков применения на практике современных информационных технологий и возможностей искусственного интеллекта и т.д.Принятие данного Указа является следующим новым шагом в проводимых судебно-правовых реформ и по совершенствованию системы подготовки высококвалифицированных кадров в судебной сфере, который послужит укреплению защиты прав, законных интересов физических и юридических лиц и обеспечению правосудия.

АСКАР МАМАРАИМОВ,

Судья Сурхандарьинского областного суда

ВНЕДРЕНИЕ ТЕХНОЛОГИЙ ИСКУССТВЕННОГО ИНТЕЛЛЕКТА В ДЕЯТЕЛЬНОСТЬ СУДОВ

Для создания благоприятных условий внедрения технологий искусственного интеллекта в деятельность судов, последовательного продолжения цифровизации, улучшения материально-технического обеспечения судебной системы, а также с целью реализации целей и задач, определённых в Стратегии “Цифровой Узбекистан – 2030”, 21 августа
2025 года Президентом Республики Узбекистан был подписан Указ “О дополнительных мерах по повышению уровня доступа к правосудию путем внедрения технологий искусственного интеллекта в деятельность судов, а также улучшению материально-технического обеспечения судебной системы”

В Указе определён ряд приоритетных задач. Одной из ключевых целей является поэтапная реализация концепции “Цифровой суд”, направленной на создание удобств для граждан и субъектов предпринимательства, а также упрощение судебного процесса.

В частности, предусмотрено использование искусственного интеллекта для предварительного прогноза результатов судебного разбирательства и оценки расходов до подачи иска, возможность электронного направления обращений в суд, дистанционное участие в судебных заседаниях без необходимости личного присутствия, а также предоставление сторонам и другим участникам процесса доступа ко всем материалам дела в электронном виде.

Кроме того, судебные расходы будут рассчитываться и оплачиваются в электронной форме, исполнительные листы автоматически направляются в исполнение, а судебные процессы полностью переходят на электронный документооборот.

Искуственный интеллект будет использоваться для подготовки протоколов судебных заседаний в режиме реального времени, а также для автоматического формирования проектов судебных документов.

Согласно Указу, до конца 2025 года в Ташкенте будет создана пилотная площадка “Цифровой суд” для рассмотрения экономических, гражданских и административных споров. По итогам эксперимента концепцию “Цифрового суда” планируется поэтапно внедрять во всех судах страны в 2026-2027 годах.

Принятие данного Указа послужит дальнейшему внедрению технологий искуственного интеллекта в судебную систему, усилению цифровизации и улучшению материально-техничнской базы судов, а также сократит расходы и неудобства граждан и предпринимателей, связанные с посещением судов.

ХАНЖАР ХАКИМОВ,

судья Сурхандарьинского областного административного суда

ТАБИАТ – БУ БИЗНИНГ УМУМИЙ БОЙЛИГИМИЗ

Бугунги кунда экология ва атроф-муҳитни муҳофаза қилиш масаласи нафақат мамлакатимизда, балки бутун дунёда энг долзарб мавзулардан бири бўлиб қолмоқда. Табиий ресурслардан оқилона фойдаланиш, чиқиндиларни бошқариш, ҳавони тоза сақлаш, яшил ҳудудларни кенгайтириш – буларнинг барчаси инсоният келажагини таъминлайдиган асосий омиллардир.

Экологик қонунчилик – жамият кафолати.

Давлатимиз раҳбарининг ташаббуслари асосида сўнгги йилларда экологик хавфсизликни таъминлашга оид бир қатор қонунлар ва меъёрий ҳужжатлар қабул қилинди. Бу ҳужжатлар:

-атроф-муҳитни муҳофаза қилиш,

-табиий ресурслардан оқилона фойдаланиш,

-чиқиндиларни қайта ишлаш,

-аҳолининг экологик маданиятини оширишга хизмат қилмоқда.

Аммо шуни унутмаслик лозимки, қонун фақат қоғозда қолса, унинг ҳеч қандай кучи бўлмайди. Қонун устуворлиги ва жазоларнинг муқаррарлигини таъминлаш – судларнинг энг муҳим вазифасидир.

Суд амалиётида кўплаб қуйидаги мисоллар учрайди:

-чиқиндиларни тартибсиз ташлаш;

-дарахтларни ноқонуний кесиш;

-сув ва ер ресурсларидан самарасиз фойдаланиш;

-ишлаб чиқариш корхоналарининг атроф-муҳитга зарар етказувчи фаолияти.

Бундай хатти-ҳаракатлар учун қонунчиликда аниқ маъмурий жавобгарлик белгиланган. Агар улар катта миқдорда зарар келтирса, жиноят иши қўзғатилади ва тегишли шахслар жиноий жавобгарликка тортилади.

Шу орқали жамиятда энг муҳим тамойил – жазоларнинг муқаррарлиги таъминланади.

Судларнинг вазифаси – фақат жазолаш эмас.

Судлар фақат жазолаш билан чекланиб қолмайди. Асосий мақсад – ҳуқуқбузарликларнинг олдини олиш, профилактика чораларини кучайтириш ва аҳолининг ҳуқуқий онги ҳамда экологик маданиятини оширишдир.

Очиқ суд мажлислари, жамоатчилик иштирокида ўтказиладиган муҳокамалар, турли тарғибот тадбирлари – буларнинг барчаси профилактик аҳамият касб этади. Чунки ҳар бир фуқаро қонуний оқибатларни чуқур англаганида, ҳуқуқбузарликнинг олди олинади.

Табиат – бу бизнинг умумий бойлигимиз, келажак авлодга қолдириладиган бебаҳо меросимиздир. Уни асраш – ҳаммамизнинг бурчимиз.

Хулоса қилиб айтганда, экология – умумхалқ масаласи. Уни фақат давлат идоралари ёки судлар эмас, балки бутун жамият, ҳар бир фуқаро ўз масъулиятини ҳис этган ҳолда амалга ошириши лозим.

ТОҲИР БЕКПУЛАТОВ,

Жиноят ишлари бўйича Жарқўрғон туман суди раиси

ЭКОЛОГИК ЖИНОЯТЛАРНИНГ ОЛДИНИ ОЛИШДА ҲАР БИР ФУҚАРОНИНГ ИШТИРОКИ МУҲИМДИР

Экология ва атроф-муҳитни муҳофаза қилиш инсоният ҳаётининг ажралмас қисми бўлиб, бу борадаги қонунбузарликлар нафақат табиатга, балки иқтисодий ва ижтимоий барқарорликка ҳам хавф туғдиради.

Глобал миқёсда экологик муаммоларнинг кескинлашуви, иқлим ўзгариши, ҳавонинг, сув ва тупроқнинг ифлосланиши барчамиздан бу соҳада масъулиятли ёндашувни талаб қилмоқда.

Мамлакатимизда экологик хавфсизликни таъминлаш давлат сиёсатининг устувор йўналишларидан бири ҳисобланади.

Хусусан, экологик ҳуқуқбузарликлар ва уларнинг асосий кўринишларига тўхталадиган бўлсак, қуйидагиларни таъкидлашимиз лозим.

Экологик ҳуқуқбузарликлар – бу атроф-муҳитни муҳофаза қилишга оид қонунлар ва меёрларнинг бузилиши билан боғлиқ ноқонуний ҳаракатлардир.

Унинг асосий турлари қуйидагилар:

-Атмосфера ҳавосини меёридан ортиқ ифлослантириш, чиқинди газларни филтрларсиз чиқариш.

-Саноат ва маиший чиқиндиларни ерга, сув ҳавзаларига ноқонуний ташлаш.

-Сув ресурсларидан ҳаддан ташқари фойдаланиш ёки уларни заҳарлаш.

-Қонунга хилоф равишда ов қилиш, ноёб ҳайвон ва ўсимликларни йўқ қилиш.

-Ўрмон фондига зарар етказиш, дарахтларни ноқонуний кесиш.

-Радиоактив, кимёвий ёки биологик хавфли моддалардан нотўғри фойдаланиш.

Шунингдек, жиноятчиликнинг олдини олиш механизмлари эса экологик жиноятлар ва ҳуқуқбузарликларнинг олдини олиш – бу давлат, жамият ва ҳар бир фуқаронинг вазифасидир.

Асосий йўналишлар қуйидагилардан иборат:

-норматив-ҳуқуқий базани такомиллаштириш ва экологик қонунларга риоя этилишини қатъий назорат қилиш.

-экологик назорат ва мониторинг тизимларини кучайтириш (инспексиялар, дронлар, сунъий йўлдош тасвирлари асосида кузатув).

-корхоналарда экологик сертификатлаш ва аудит тизимларини жорий этиш.

-давлат экология қўмиталари фаолиятини кучайтириш.

-ҳуқуқни муҳофаза қилувчи органлар ва судлар билан ҳамкорликни кучайтириш.

-аҳолининг экологик маданиятини ошириш мақсадида доимий тарғибот-ташвиқот ишларини олиб бориш.

-оммавий ахборот воситаларида экологик жиноятлар ҳақида очиқ ахборот бериш ҳисобланади.

Экологик қонунбузарликлар учун жазони муқаррарлаштириш жиноятларнинг олдини олишда асосий омилдир.

Бу борада Ўзбекистон Республикасининг қуйидаги қонун ҳужжатлари асосида жавобгарлик белгиланади:

-Жиноят кодекси;

-Маъмурий жавобгарлик тўғрисидаги кодекс;

-Экологик назорат тўғрисидаги қонун;

Жазо муқаррарлиги – ҳар қандай қонунбузарлик учун тегишли чора кўрилишини таъминлаш, бу орқали бошқаларга ҳам огоҳлантирувчи таъсир ўтказилади.

Хулоса қилиб айтганда, экологик жиноятларнинг олдини олишда ҳар бир фуқаронинг иштироки бу энг аввало атроф-муҳитни сақлаб қолиш, келажак авлод учун яшашга яроқли муҳит яратиш, ижтимоий адолат ва барқарорликни таъминлаш учун хизмат қилади.

АКМАЛ ҚУРБОНОВ,

Жиноят ишлари бўйича Қизириқ туман суди раиси

СУД ТИЗИМИДАГИ ИСЛОҲОТЛАР – ИНСОН МАНФААТЛАРИ УЧУН

Гувоҳи бўлиб турганимиздек, мамлакатимизда амалга оширилаётган кенг кўламли ва изчил ислоҳотларга мувофиқ, кейинги ўтган саккиз йил ичида суд-ҳуқуқ соҳасини ислоҳ этиш борасида 60 дан зиёд қонун ва қонун ости ҳужжатлари қабул қилинди ва ушбу соҳадаги ислоҳотлар тизимли равишда дадил давом эттирилмоқда.

Шу асосда судларнинг ҳақиқий мустақиллигини таъминлаш, суд кадрларини танлаб олишнинг очиқ ва шаффоф механизмларини яратиш, инсон ва фуқароларнинг одил судловга эришиш имконятларини кенгайтириш бўйича комплекс чора-тадбирлар амалга оширилмоқда. Ўтган даврда судлар тузилмаси замон талабларига мос равишда такомиллаштирилди. Вилоят ва унга тенглаштирилган фуқаролик, жиноят ишлари бўйича судлар ва иқтисодий судлар негизида судьяларнинг қатъий ихтисослашувини сақлаб қолган ҳолда вилоят даражасидаги умумюрисдикция судлари ташкил этилди.

Фуқаролар ва тадбиркорларнинг давлат органлари ва мансабдор шахслари томонидан бузилган ҳуқуқларини тиклашга қаратилган маъмурий судлар ташкил этилди. Инвестициявий низолар бўйича алоҳида судлов таркиби ташкил этилди, йирик инвестициявий низолар эса тўғридан-тўғри Олий судда кўрилиши имконияти яратилди. Судларда ишларни кўрилишида бир қатор янги институтлар жорий этилди. Хусусан, қонунчилигимизга судгача мажлис, соддалаштирилган тартибда иш юритиш, медиация институтлари татбиқ қилиниб, самарали қўлланилиб келинмоқда. Судлар томонидан қабул қилинган қарорлар Олий суд расмий веб-сайтида мунтазам равишда эълон қилиниб борилмоқда.

Айниқса, одил судловдан фойдаланиш имкониятларини осонлаштириш ҳамда бу борада шаффофликни оширишга қаратилган электрон тартиб-таомиллар босқичма-босқич амалиётга татбиқ этилаётгани муҳим аҳамиятга эга.

Ишларни инсон омилисиз, яъни автоматик равишда тақсимлаш, суд мажлиси жадвалининг ягона электрон базасининг жорий этилганлиги, суд қарорларини расмий веб-сайтда эълон қилиб бориш, судга электрон мурожаат ва суд ҳужжатларини тарафларга электрон шаклда юбориш, суд мажлисларини аудиоёзувдан фойдаланган ҳолда қайд этиб бориш каби замонавий ёндашувлар эвазига одил судлов самарадорлигига эришилмоқда.

Мамлакатимиз раҳбарининг бир неча кун аввал, яъни 21.08.2025 йилда қабул қилган “Судлар фаолиятига сунъий интеллект технологияларини жорий этиш орқали одил судловга эришиш даражасини ошириш ҳамда суд тизимининг моддий-техник таъминотини яхшилашга доир қўшимча чора-тадбирлар тўғрисида”ги ПФ-140-сонли Фармони суд-ҳуқуқ соҳасида, хусусан суд тизимини такомиллаштириш бўйича яна бир муҳим қадам бўлди, десак асло муболаға бўлмайди.

Фармонга биноан, судлар фаолиятига сунъий интеллект технологияларини жорий этиш ҳамда рақамлаштириш жараёнларини жадаллаштириш, шунингдек, судларда фуқаролар ва тадбиркорлик субъектлари учун қулай шарт-шароитлар яратиб беришнинг келгуси йиллардаги устувор мақсадларидан бири сифатида иқтисодий судлар тузилмасини оптималлаштириш орқали уларнинг фаолияти самарадорлигини ошириш ва ягона суд амалиётини шакллантириш белгиланди.

Гап шундаки, Фармонга биноан иқтисодий ишларда экстерриториал судловга тегишлилик механизмини яратиш белгиланган бўлиб, бунда, 2026 йил 1 январдан бошлаб иқтисодий судлар тизимида иқтисодий судларни мақбуллаштириш орқали туманлараро, туман, шаҳар иқтисодий судларини тугатиш ҳамда Қорақалпоғистон Республикаси, вилоятлар марказлари ва Тошкент шаҳрида туманлараро иқтисодий судлар фаолиятини йўлга қўйиш назарда тутилмоқда.

Умумий тартибга кўра, ишлар жавобгар жойлашган ҳудуддаги судда кўрилиши белгиланган. Бироқ, айрим ҳолатларда фуқаролар ва тадбиркорлар даъволари бошқа ҳудуд судида кўрилишини илтимос қилишади. Бугунги рақамлаштириш ва видеоконференцалоқа имкониятлари асрида иқтисодий ишларнинг муайян ҳудудда кўрилиши деярли ўз аҳамиятини йўқотмоқда. Негаки, қонунлар бутун республикамиз миқёсида бир хилда амал қилади ва қўлланилади.   

Шунга кўра, аҳолининг суд тизимига бўлган ишончини янада ошириш мақсадида даъвогарларга айнан муайян ҳудуд судига мурожаат қилиши шартлигига оид бюрократик тўсиқни бартараф этиш ва фуқароларга танлаш имконини бериш асосий мақсад ҳисобланади.

Фуқаролик ва иқтисодий судларнинг иш юритувидаги низосиз ишларни тегишли органлар (нотариуслар) ваколатига ўтказиш йўли билан судларнинг иш юкламасини камайтириш. Келгусида, башарти низо келиб чиққан ҳолларда бундай ишлар судда кўриб чиқилади.

Хулоса ўрнида таъкидлаш керакки, cуд-ҳуқуқ соҳасида амалга оширилаётган ислоҳотлар мамлакатимизнинг халқаро майдондаги нуфузига, жумладан суд мустақиллиги, қонун устуворлиги ва одил судлов самарадорлиги бўйича халқаро рейтингларда Ўзбекистоннинг нуфузи ошишига ҳам муносиб ҳисса бўлиб қўшилмоқда.

БОТИРЖОН АБДУЛЛАЕВ,

Термиз туманлараро иқтисодий суди судьяси

Сурхондарё вилоят судларига ишга кириш истагида бўлган номзодлар учун эълон

Сурхондарё вилоят суди, вилоят судларидаги бўш иш ўринлар (вакант лавозимлар)га ишга қабул қилиш юзасидан танлов эълон қилади.

Бўш иш ўринлар (вакант лавозимлар):

  1. Жиноят ишлари бўйича Бойсун туман суди – Архивариус
  2. Жиноят ишлари бўйича Қизириқ туман суди – Архивариус
  3. Жиноят ишлари бўйича Шўрчи туман суди – Судья ёрдамчиси
  4. Шеробод туманлараро иқтисодий суди – Архив мудири
  5. Жиноят ишлари бўйича Бойсун туман суди – Тизимни бошқариш ва хизмат кўрсатиш муҳандиси (АКТ ходими)
  6. Фуқаролик ишлари бўйича Қумқўрғон туманлараро суди– Боғбон
  7. Жиноят ишлари бўйича Бойсун туман суди – Боғбон

Лавозим бўйича номзодга қўйилган талаблар (1-5 устундаги лавозимлар учун):

а) Номзодлар юқори малакали, хорижий тилларни (қоида тариқасида) биладиган, вакант лавозим учун зарур билимга ва бенуқсон обрў-эътиборга эга олий юридик маълумотли Ўзбекистон Республикаси фуқароси бўлиши шарт.

Тақдим этиладиган ҳужжатларнинг рўйхати:

Ариза;

а) номзоднинг маълумотномаси ва яқин қариндошлари тўғрисида маълумотнома;

б) диплом (дипломдан кўчирма)нинг нусхаси, чет элда ўқиганлиги тўғрисида дипломга эса, диплом тан олинганлиги ва нострификация қилинганлигини тасдиқловчи гувоҳнома (агарда номзод олий таълим муассасасида ўқиётган бўлса, ўқиш жойидан маълумотнома);

в) номзоднинг паспорт нусхаси;

г) меҳнат дафтарчаси нусхаси (биринчи марта ишга кираётган шахслар бундан мустасно);

д) хорижий тилни билиш бўйича сертификат (мавжуд бўлса).

Боғланиш учун тельефон рақами ва электрон почта манзили:

76-228-19-00 (75021)        эл.манзил: sur.kadr@sud.uz

Сурхондарё вилоят судининг кадрлар бўлими.

Skip to content