Сурхондарё вилояти суди раҳбариятининг Денов туманида суд-ҳуқуқ масалалари бўйича сайёр қабули бўлиб ўтди
Денов Тадбиркорлик ва педагогика институти биносида ўтказилган сайёр қабулда суд-ҳуқуқ масалаларига доир жами 25 нафар фуқаролар қабул қилинди.
Қабул қилинган фуқаролар мурожаатларининг 20 таси жиноят ва 5 таси фуқаролик судловга тааллуқлидир.
Сайёр қабулда вилоят суди раҳбарияти томонидан қабул қилинган 5 нафар фуқаронинг оғзаки мурожаати тингланиб, уларга ҳуқуқий тушунтиришлар берилди. Шунингдек, 20 нафар фуқаронинг оғзаки мурожаати жойида ижобий ҳал этилди.
Бундан ташқари, фуқаролик ишлари бўйича судлар томонидан 24 нафар фуқаронинг алимент ундириш тўғрисидаги аризалари кўриб чиқилиб, уларнинг аризалари қаноатлантирилди ва Мажбурий ижро бюросининг тегишли ҳудудий бўлимига юборилди.
Шунингдек, жиноят ишлари бўйича Шўрчи, Олтинсой, Сариосиё ва Узун туман судлари томонидан сайёр суд мажлисида тақдимнома (илтимоснома)лар асосида 20 нафармаҳкум ўталмай қолган ахлоқ тузатиш ишлари ва бошқа жазолардан муддатидан илгари шартли равишда озод қилинди.
Бу каби сайёр қабуллар суд тизимининг очиқлиги ва шаффофлигини таъминлаш, фуқароларнинг ҳуқуқий маданиятини ошириш ҳамда судларга бўлган ишончни мустаҳкамлашда муҳим аҳамият касб этмоқда.
ЗОИР РУСТАМОВ,
Сурхондарё вилоят суди раисининг ўринбосари –
иқтисодий ишлар бўйича ўринбосари