Сурхондарё вилоят суди раиси томонидан судья ва ходимлар ҳамда уларнинг яқин қариндошлари билан мулоқот ўтказилди
Вилоят суди раиси Аблқосим Рузиқулов судья, ходимлар ва уларнинг яқин қариндошлари билан ўтказилган мулоқотда иштирок этган судьялар, шунингдек суд ходимлари ва уларнинг яқин қариндошларига сўнгги йилларда суд-ҳуқуқ тизимида катта ўзгаришлар амалга оширилаётгани, судьяларга қўйилаётган талаблар нечоғлик маъсульятли экани, судьяларнинг аксарияти суд ходимлари орасидан тайинланишини, бугунги кунда суд ходимларининг маънавияти, одоби ва масъулияти алоҳида эътиборда экани ҳамда суд ходимларнинг хизмат мавқеидан шахсий манфаатларини кўзлаб моддий ёки номоддий наф олиш мақсадида қонунга хилоф равишда фойдаланмасликлари ҳақида сўз юритди.
Бугунги кунда судда фаолият олиб бораётган ҳар бир судья ва ходим касбий одоб-ахлоқ қоидаларига риоя қилган ҳолда, ўз вазифасини сидқидилдан адо этиши, мазкур жараёнда таъмагирлик, коррупция каби иллатларга қўл урмаслиги лозимлиги таъкидланди.
Салоҳиятли, ҳар томонлама малакали суд кадрларининг шаклланиши, судларда фуқароларнинг ҳуқуқ ва эркинликларини ишончли ҳимоя қилинишини таъминлайди. Шу маънода соҳада фаолият юритаётган судья ва ходимларнинг билим ва дунёқарашини кенгайтириш, малакасини ошириш, умуман, кадрлар сифатини яхшилаш зарурлигини ҳаётнинг ўзи тақозо этаётганлиги қайд этилди.
Айтиш мумкин-ки, вилоят суди раиси ўринбосарининг расмиятчиликдан йироқ, самимий гапларидан кейин даврага “жон кирди” ҳамда ота-оналар ҳам кўнглидан кечаётган фикр-мулоҳазаларини билдириб, ўзларини қизиқтирган саволларни ҳам ўртага ташладилар.
Мулоқот якунида видеоконференцалоқа тизими орқали қатнашаётган туманлараро ва туман (шаҳар) судлари судьялари ҳам сўзга чиқиб, ҳозирги кунда суд ходимлари ўртасида коррупцион ҳолатларни содир этмаслик борасида фикрлани тингланиб, улар томонидан амалга оширилаётган чора-тадбирлар хусусида фикрлари тингланди.
АБЛҚОСИМ РУЗИҚУЛОВ,
Сурхондарё вилоят суди раиси