ФИРИБГАРГА ЖАЗО МУҚАРРАР
очерк
Қилмиш-қидирмиш, деб бежизга айтишмайди. Ҳар бир қилган жиноятнинг албатта, жазоси бор.
Бахром Аннаев (исм-шарифлар ўзгартирилган) бир ташкилотда яхшигина нуфузли иш қилиб келарди. Уни кўрган одам, яхши баҳо беради. Лекин, ҳа бир лекини борда. Уни фақат иши тушганлар билади.
Кунларнинг бирида у бир фуқаро билан телефон орқали суҳбатлашиб, фуқарони давлат ишига, яъни ким божхона органларига танишлари орқали ишга жойлаштириб қўйишини айтади. Албатта текинга эмас, эвазига хизмат ҳаққига 1.000 АҚШ доллари беришини талаб қилади. Бахромни бу ҳаракатлари қонунга хилоф эканлигини билган фуқаро ҳуқуқни муҳофаза қилувчи идораларга хабар беради.
Шундан сўнг Бахром ўзи талаб қилган 1.000 АҚШ долларини келишилган жойда фуқародан олган тезкор-қидирув гуруҳ ходимлари томонидан ўтказилган тадбир вақтида ашёвий далиллар билан қўлга олинади.
Энди эса у бу қилмиши учун судда жавоб берадиган бўлди. Суд мажлисида судланувчи Бахром Аннаев айбига тўлиқ иқрор ва қилмишидан пушаймонлигини билдириб, суддан қонуний енгиллик беришни сўради. Афсус надомадлар эса кеч.
Суд Бахромни Жиноят кодексининг тегишли моддалари айбдор деб топиб, унга қилган жиноятига мос равишда бюджет ва давлат иштирокидаги ташкилотларда мансабдорлик ҳамда моддий жавобгарлик юклатилган вазифаларда ишлаш ҳуқуқидан маҳрум қилан ҳолда озодликдан маҳрум қилиш жазоси тайинлади.
Хулоса қилиб айтганда, ёлғон ҳамиша зарар келтиришини, ёлғон гап талофат келтиришини ўзимиз англаб етишимиз зарур.
АЗАМАТ ШОМУРОДОВ,
Сурхондарё вилоят судининг жиноят ишлари бўйича судьяси